લીંબડીમાં આરોગ્ય ક્ષેત્રે છેલ્લા ત્રણ વર્ષ થી કાર્યરાત 'નીલકંઠ મલ્ટી સ્પેશિયાલિસ્ટ હોસ્પિટલ' લીંબડી શહેર અને પંથકની જનતાને હવે ૨૪ કલાક વ્યાજબી દરે મળશે શ્રેષ્ઠ સારવાર ​

 લીંબડીમાં આરોગ્ય ક્ષેત્રે છેલ્લા ત્રણ વર્ષ થી કાર્યરાત  'નીલકંઠ મલ્ટી સ્પેશિયાલિસ્ટ હોસ્પિટલ' 

લીંબડી શહેર અને પંથકની જનતાને હવે ૨૪ કલાક વ્યાજબી દરે મળશે શ્રેષ્ઠ સારવાર

લીંબડી શહેરના આંગણે આરોગ્ય ક્ષેત્રે એક મહત્વપૂર્ણ કદમ ઉઠાવતા 'નીલકંઠ મલ્ટી સ્પેશિયાલિસ્ટ હોસ્પિટલ'નું ભવ્ય ઉદ્ઘાટન કરવામાં આવ્યું છે. આ હોસ્પિટલ દ્વારા હવે લીંબડી અને આસપાસના વિસ્તારના દર્દીઓને મેડિસન, ગાયનેક અને ઓર્થોપેડિક, ર્હદય રોગ, ફેફસાના રોગ, કીડનીની તકલીફ, લીવરની તકલીફ, મગજ ની સારવાર, હોર્મોનોલ રોગ, પેટના રોગ, જેવી જટિલ સારવાર માટે અન્ય શહેરોમાં જવું નહીં પડે. તેમજ આ હોસ્પિટલ માં સ્પે. રૂમ, હાઇટેક આઈસીયું ઇકો, ઈસીજી મશીન સહીતની આધુનીક સગવડતાઓ મળી રહેશે.

​ભવ્ય લોકાર્પણ અને મહાનુભાવોની ઉપસ્થિતિ આ નૂતન હોસ્પિટલમાં મેડિસન વિભાગનું ઉદ્ઘાટન લીંબડી મોટા મંદિરના પરમ પૂજ્ય મહંત લાલદાસજી બાપુ, વિસ્તારના લોકલાડીલા ધારાસભ્ય કિરીટસિંહ રાણા તેમજ નીલકંઠ મલ્ટી સ્પેશિયાલિટી હોસ્પિટલના ચેરમેન લાલાભાઈ પટેલના વરદ હસ્તે કરવામાં આવ્યું હતું. આ પ્રસંગે શહેરના વિવિધ અગ્રણીઓ, શિક્ષણ જગતના પ્રતિનિધિઓ અને સ્થાનીય લોકો મોટી સંખ્યામાં ઉપસ્થિત રહ્યા હતા.

​અને હોસ્પિટલમાં સ્પેશિયાલિસ્ટ ડોક્ટરો દ્વારા મેડિસન વિભાગ, ગાયનેક વિભાગ (સ્ત્રી રોગ) અને ઓર્થોપેડિક (હાડકાના રોગ) વિભાગ કાર્યરત કરવામાં આવ્યા છે. ​૨૪ કલાક સેવા: ઈમરજન્સી સેવાઓ માટે હોસ્પિટલ ૨૪ કલાક કાર્યરત રહેશે, જેથી જરૂરિયાતના સમયે તાત્કાલિક સારવાર મળી શકે. હોસ્પિટલનો મુખ્ય ઉદ્દેશ્ય છે કે સામાન્ય અને મધ્યમ વર્ગના લોકોને પણ પરવડે તેવા વ્યાજબી ખર્ચમાં ઉત્તમ અને આધુનિક સારવાર પૂરી પાડવી.

આ પ્રસંગે મલ્ટીસ્પેશ્યાલીટી હોસ્પિટલના ચેરમેન લાલાભાઈ પટેલે જણાવ્યું હતું કે, "અમારો હેતુ લીંબડીની જનતાને શ્રેષ્ઠ તબીબી સુવિધાઓ પોતાના જ શહેરમાં પૂરી પાડવાનો છે. આધુનિક સાધનો અને અનુભવી ડોક્ટરોની ટીમ સાથે અમે દર્દીઓની સેવામાં ૨૪ કલાક તત્પર રહીશું." ​ઉદ્ઘાટન પ્રસંગે આવેલા તમામ મહાનુભાવોએ હોસ્પિટલના સ્ટાફને અભિનંદન પાઠવ્યા હતા અને આ સુવિધા લીંબડી માટે આશીર્વાદરૂપ સાબિત થશે તેવી આશા વ્યક્ત કરી હતી. આ કાર્યક્રમ માં લીંબડી મોટા મંદિર મહંત લાલદાસજી બાપુ, લીંબડી ધારાસભ્ય કિરીટસિંહ રાણા, પૂર્વ ચેરમેન પ્રકાશભાઈ સોની, પૂર્વ ચેરમેન શંકરલાલ દલવાડી, નીલકંઠ મલ્ટીસ્પેશ્યાલીટી  હોસ્પિટલ ચેરમેન લાલાભાઈ પટેલ,  પૂર્વ ચેરમેન તાલુકા પંચાયત હરપાલસિંહ રાણા, લીંબડી નગરપાલિકા પૂર્વ પ્રમુખ રઘુભાઈ પટેલ, લીંબડી તાલુકા ભાજપ પ્રમુખ વનરાજ ભાઈ રોજાસરા, લીંબડી શહેર ભાજપ પ્રમુખ રાજેશભાઇ ચાવડા, બીપીનભાઈ પટેલ, વિજયસિંહ ઝાલા, યશવંતસિંહ પરમાર, પ્રવિણ ભાઈ પટેલ, તેમજ લીંબડી નગરપાલિકા માં નવ નિયુક્ત ચૂંટાયેલા કોર્પોરેટર, તાલુકા પંચાયતના  સદસ્ય, લીંબડીના વેપારીઓ, તથા લીંબડી શહેરના દરેક સમાજના ભાઈ બહેનો, અને નીલકંઠ હોસ્પિટલ ના તમામ ડોક્ટરો, કર્મચારી, સ્ટાફ સહિત મોટી સંખ્યામાં ઉપસ્થિત રહેલ.

અહેવાલ  : દિપકસિંહ વાઘેલા, લીંબડી